نوحه و مرثیه ترکی

من ابوالفضلم جماعت، شهر‌تیم دوتموش جهانی

قدر‌ت الله اوغلویام من، حیدر کرار ثانی

من ابوالفضلم جماعت، شهر‌تیم دوتموش جهانی

قدر‌ت الله اوغلویام من، حیدر کرار ثانی

یادگار نامدار غازی بدر و حنینم

حیدر کرار آتامدور، مرتضا‌یه نور عینمم

هم سپهسالار لشگر‌، هم علمدارحسینم

ائیلرم ظاهر بو چولده، صولت شیر خدانی

دیلده یوخ بیر ذره باکیم، گر دوتا دنیانی دشمن

اولدی گرچه آل هاشیم، اولمایین اولمکدن‌ ایمن

قویمارام جنبنده سیزدن تیغ قهرآمیزیله من

چرخ اطلس گورسه تیتر‌ر، بو حسام جانسیتانی

مجلس شورای جنگین، صاحب اور‌نگییم من

لشگر شاه حجازین، باهنر سرهنگیم من

بو کومکسیز پادشاهین چون وزیر جنگییم من

وئرسه رخصت ائیلرم بو عالم امکانی فانی

گر ائدم دعوایه اقدام، ای گروه پست فیطرت

قویمارام قالسین بو چولده بیر نفر سیزد‌ن سلامت

گئچمک اما باش جاندان، چون وظیفمدیر جماعت

قانیمیله دینه وئرر‌م، بیر حیات جاویدانی

بیشه‌ هیجاده شیر‌م، قاف رزم عنقاسییم من

هر فنون جنگ جنگی ایشلرین داراسییم من

عتر‌ت شیر خدانین، تشنه لب سقاسیم من

نهر علقمدن خیامه، باغلارام آب روانی

خیمه‌ده آغلیر سوسوزدان، عتر‌ت شاه مدینه

العطش فریادی یئردن، اوج ائدیر عرش برینه

چیگنیمه سالدی گلنده، بو قورو مشکی سکینه

ائیله‌دی سو التماسی، بیر منه گلدی گمانی

بو حسینی کی سپاهین، ائیلییب‌سیز قانه غلطان

جان زهرادور جماع‌ت، هم امام کون امکان

حجت‌الله بیلمیسیز گر، فرض ائدین سیز بیر مسلمان

قویمایین یانسین سوسوزدان، عترت بی‌خانیمانی

ائیلدی اتمام حجت، لشگرره هر چند او سرو‌ر

اولمادی اصلا موثر، گلمه‌دی رحمه او لشگر

بیر نفر سسلندی اما، کی هنرو‌ر پور حیدر

ائیلمه سو اوسته بیجا، سن ملام‌ت شامیانی

گر ایکی ایشدن بو چولده، اولمیا بیر امره مجرا

یئر یوزین دولدورسا دریا، وئرمریک بیر قطره اصلا

یا گرک قارداشین اولسون، بئیعته دیلده‌ن مهیا

یا بو تشکیلاتی پوزسون، تیغ قیلسین حکمرانی

...

جنگ عباسی گوره‌نده، قودسییان گلدی نوایه

سس سسه وئردی ملکلرر، عرض قیلدی مرتضایه

ائیلیری عباس دعوا، یا علی باخ کربلایه

گوستریر اوغلون حسینه، گور نه نوعی جانفشانی

بیر رشادت، بیر شجاعت ، گوستریب اول تشنه سقا

عرصه تنگ اولدو سپاهه، سیندی صفلر قاچدی اعدا

آلدی تا نهر فراتی فارس میدان هیجا

بیرقین نهر اوسته ووردی ، اول وفا و مهر کانی

لشگره سس دوشدی آلدی، نهری بو یالقوز علمدار

خیمه ده ناگه ائشیتدی، بو سسی تشنه اوشاقلار

خیرداجا قیزلار سوویندی، داده گلدی آل اطهار

باشینا ییغدی سکینه، عتر‌ت آل عبانی

اللـ‌رینده بوش سو جامی، گلدیلر داده نوایه

یوز دولاندیردی خانیملار، بارگاه کبرییایه

عرض ائدیبلر بارالاها، حافظ اول صاحب لوایه

حفظ قیل شر عدود‌ن، یادگار مرتضا‌نی

...

اول قد‌ر گئچمیب، حسینین گول کیمی رنگی سارالدی

سسلنیب وای قارداشیم وای، زینبین آرامین آلدی

یعنی عباسین سو اوسته، قوللارین شام اهلی سالدی

اوخلانیب سو مشگی گئتدی، طاقت و تاب و توانی

------------------------------------------------------------------------

احوالات امام سجاد

قدسیان یاسه باتوب عالمِ معناده بوگون

آغلوری لوح و قلم سیّد سجّاده بوگون

عالم معناده بوگون

-----------------------------------------------------------

مدح خاتون محشر

ایکی دنیاده بیزیم عزّتیمیز فاطمه دور
شرف و تاج سرِ خلقتیمیز فاطمه دور
دیلده کی اَزبریمیز عادَتیمیز فاطمه دور
قمر وشمس کیمی طلعتیمیز فاطمه دور
عشقیمیز هم سوزوموز ، صحبتیمیز فاطمه دور
گوهر کلّ جهان خیر نسا فاطمه دور
اٌسوه ی صدق وصفا حلم وحیا فاطمه دور
اَلّری درده شفا باب رَجا فاطمه دور
مادر کون و مکان شمع کَسا فاطمه دور
روز محشرده بیزیم رحمتیمیز فاطمه دور
عصمت اللّهیدی عشق ازلی فاطمه دور
درگهی باب کرم لم یزلی فاطمه دور
کویده کی شمس و قمر نور جَلی فاطمه دور
ایکی دنیاده فقط عشق علی فاطمه دور
بیز علی شیعه سیوخ قدرتیمیز فاطمه دور
دختر ختم رسالت دئگینن فاطمه دور
همسر مام وولایت دئگینن فاطمه دور
مادر زین و امامت دئگینن فاطمه دور
دٌرجِ عصمت یادا عفّت دئکینن فاطمه دور
آندولا گوز یاشینا وحدتیمیز فاطمه دور
سوره ی کوثره باخ ، قرآنیمیز فاطمه دور
دولانان قلبیده رگده قانیمیز فاطمه دور
شیعه نون عشقیدی چونکی جانیمیز فاطمه دور
جان یاقان صحبتیدور ،جانانیمیز فاطمه دور
شیعلر وحدتیمیز ،اٌلفتیمیز فاطمه دور
شیعه نون شوقِ تَمنّاسی خانم فاطمه دور
ایکی دنیا شه ومولاسی خانم فاطمه دور
شرف وتاج سر الماسی خانم فاطمه دور
حیدرون هر گئجه رویاسی خانم فاطمه دور
عین حیدر کیمی حیثیَِتیمیز فاطمه دور
نور قرآن خبر آلدیم دئدیلر فاطمه دور
درده درمان خبر آلدیم دئدیلر فاطمه دور
یاره قربان خبر آلدیم دئدیلر فاطمه دور
چشم گریان خبر آلدیم دئدیلر فاطمه دور
دردو محنتده قالان حسرتیمیز فاطمه دور
سارالیب گول کیمی الّرده سولان فاطمه دور
اورگی درده گلیب غمله دولان فاطمه دور
گئجه دن گوندوزه جک آغلار اولان فاطمه دور
سینه سی آتش غملرده یانان فاطمه دور
قبری تک گیزلی اولان غربتیمیز فاطمه دور